سياسة الخصوصية

1. بيانات محلك

البرنامج بيشتغل على جهازك؛ الأصناف والمبيعات والعملاء والحسابات متخزّنة عندك ومش بتتبعتلنا. مش بنطّلع عليها إلا بطلبك وقت الدعم الفني وبالقدر اللازم.

2. البيانات اللي بنجمعها

من طلب الشراء على الموقع: اسم المحل، الموبايل، الإيميل، نوع النشاط، المحافظة، والباقة.

من البرنامج: كود الجهاز، رقم الإصدار، حالة الترخيص، وآخر اتصال — عشان التفعيل والتحديثات.

لو فعّلت المتابعة من الموبايل أو ملخص اليوم أو منيو QR: ملخص المبيعات اليومي اللي بيظهر على موبايلك، والإيميل أو حساب تليجرام اللي بيوصلهم الملخص، والمنيو وأسعاره.

مش بنجمع ولا بنحفظ بيانات الكروت؛ الدفع بيتم بالكامل عند Paymob.

3. بنستخدمها في إيه

التفعيل والتحديثات والدعم الفني، تنفيذ طلبك والتواصل معاك بخصوصه، وتقديم الخدمات الأونلاين اللي فعّلتها. مش بنبيع بياناتك ولا بنستخدمها في إعلانات.

4. مين بيشوفها

مقدّمو خدمات بيشتغلوا لحسابنا بس: Paymob (الدفع)، Cloudflare (السيرفر والتخزين)، Brevo (الإيميل)، Telegram (رسائل الملخص)، GitHub (التحديثات). أو جهة رسمية لو القانون طلب.

5. مدة الحفظ

بيانات الطلبات بنحتفظ بيها طول مدة الترخيص وبعدها بالقدر اللي القانون بيطلبه. ملخص الموبايل بيتجدد باستمرار ومش بنحتفظ بتاريخه، وبيتمسح لو قفلت الخدمة.

6. حقوقك

من حقك تعرف البيانات اللي عندنا عنك وتصحّحها أو تطلب مسحها أو توقف أي خدمة أونلاين في أي وقت، طبقًا لقانون حماية البيانات الشخصية رقم 151 لسنة 2020. كلّمنا على وسائل التواصل تحت.

7. الموقع

الموقع مش بيستخدم كوكيز تتبّع ولا إعلانات. لو دفعت، رقم الطلب بيتحفظ في متصفحك بس عشان نوريهولك.