سياسة الاسترجاع والإلغاء

1. قبل التفعيل

لو طلبت الإلغاء خلال 14 يوم من الدفع وقبل ما تستخدم رقم الطلب لتفعيل البرنامج وقبل التسطيب أو التدريب: بنرجّعلك المبلغ كامل.

2. بعد التفعيل

خلال 14 يوم من التفعيل: بنرجّعلك قيمة الترخيص (الباقة والإضافات) مخصوم منها قيمة الخدمات اللي اتقدّمت فعلًا (التسطيب، التدريب، تجهيز البيانات، الزيارات) حسب أسعارها المعلنة، والترخيص بيتلغي.

لو فيه عيب في البرنامج يمنع استخدام جزء أساسي اشتركت فيه ومقدرناش نصلّحه خلال 7 أيام عمل من إبلاغك: بنرجّعلك قيمة الترخيص كاملة حتى بعد الـ 14 يوم وخلال مدة الدعم.

بعد 14 يوم من التفعيل ومن غير عيب في البرنامج: مفيش استرجاع لقيمة الترخيص.

3. الإضافات والتجديد والخدمات

الإضافة اللي اشتريتها بعدين: نفس القواعد من تاريخ تفعيلها.

التجديد السنوي: بيترجع لو طلبت خلال 7 أيام من بدايته، بعد كده لأ.

الخدمات اللي اتقدّمت فعلًا (تسطيب، تدريب، زيارة، تعديل خاص) مش بتترجع بعد تقديمها؛ والخدمة المدفوعة اللي لسه ماتقدمتش بتترجع كاملة.

4. إزاي تطلب الاسترجاع

ابعتلنا على واتساب 01008030459 أو 01121460640 أو على accerpcorp@gmail.com: رقم الطلب والتليفون اللي دفعت بيه وسبب الطلب.

بنرد خلال يومين عمل، والمبلغ بيرجع بنفس طريقة الدفع (الكارت أو المحفظة) خلال 14 يوم من الموافقة — وده بيعتمد كمان على البنك أو المحفظة.

5. بعد الاسترجاع

الترخيص بيتلغي والبرنامج بيرجع نسخة غير مفعّلة. بياناتك بتفضل على جهازك وتقدر تاخد نسخة منها (إكسيل أو نسخة احتياطية).

6. حقوقك القانونية

السياسة دي مش بتنقص من حقوقك في قانون حماية المستهلك رقم 181 لسنة 2018.